«Жақсы сөз – жарым ырыс» дейді қазақ. «Тауып айтылған сөзге құн жетпейді». Халық айтса қалт айтпайды. «Дау жаққа біліктісін» қоя білген дана да дархан жұрт сөздің құдіретінен қаймығып, қасиетіне қарайлаған. Дөдегелі ордада ортаға қамшы тастап төрелік айтқанға төрінен орын беріп, «ақылы асқанды аға тұтып», «дауға салса алмастай қиған» от тілді оғыланына шапан жауып, ат мінгізіп [...]

ҚАРАУЫЛ… ҚАРА ШАЛ… ҚАРА ӨЛЕҢ… ҚАРА СӨЗ… Қазақ өлмей қасиетін жоғалтпас ҚАРА ШАҢЫРАҒЫМЫЗ, ҚАСТЕРЛІМІЗ, ҚАЗЫНАМЫЗ. Бұлар туралы тебіренбей сөйлесек тілсіз қалғанымыз, еміренбей сөйлесек ессіз болғанымыз. Міне, түбі нұрдан тараған Тектімнің тылсым әлеміне имене келіп, табалдырығынан иіле аттадым. Анығы, Құран ұстағандай қорқынышпен Қара Шалдың «Қара сөздерін» қолыма алдым. Парақтадым… Әр бетінен қазақты көрдім. Дұрысы, соры қайнаған [...]